PARAGUAJUS

PARAGUAJUS

vulgo Paraguay, fluv. ingens Americae meridionalis, in Paraguaia regione. Oritur ex lacu de los Xaraies dicto; deinde in austrum tendens, auctusque iam plurimis amnibus, recipit fluvios Argenteum, Paranam, Purpureum, Album, Salsum, Tertium, Carcarannam, Urvagium, seu Uraguaium, et alios; quibus auctus, per latissimum ostium in mare Magellanicum se exonerat inter promontoria sanctae Mariae et S. Antonii.